Plantun de Prouvènço

Pèr coumpara dos planto d'encò nostre

Isolepis setacea & Ranunculus flammula

fotò
fotò
Jounquino

Isolepis setacea

Cyperaceae

Nom en français : Isolépis sétacé.

Descripcioun :
Aquesto jounquino dóu gènre Isolepis trachis dins li pelouso bagnado de tèms o dins lou limas de ribiero. Fai de pichòtis espigo de 2 à 5 mm sus lou coustat e despassado pèr uno bratèio de 6 à 20 mm. I'a tres estigmate. Se destrìo de Isolepis cernua emé si grano raiado (encò de Isolepis cernua soun quàsi lisso).

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 3 à 20 cm
Fueio : costo paralèlo
Tipe bioulougico : Teroufite
Cicle bioulougico : Planto de l'an

Gènre : Isolepis
Famiho : Cyperaceae


Ordre : Poales

Coulour de la flour : Verdo
Petalo : ges
Ø (o loungour) enflourejado : 2 à 5 mm
Flourido : Printèms - Estiéu

Sòu : Si (Ca)
Autour basso e auto : 0 à 1600 m
Aparado : Noun
Jun à avoust

Liò : Pelouso umido - Limas de ribiero
Estànci : Mesoumediterran à Mountagnard
Couroulougi : Paleousubretroupicalo
Ref. sc. : Isolepis setacea (L.) R.Br., 1810 (= Scirpus setaceus L., 1753 )

fotò
fotò
Douvo

Ranunculus flammula

Ranunculaceae

Àutri noum : Flamaduro, Tarbèro.

Noms en français : Petite Flamme, Petite Douve.

Descripcioun :
La douvo o flamaduro es un ranouncle rare au nostre, mai poudèn pensa, coume èi bèn couneigudo, que devié èstre mai coumuno à passa tèms. Trachis en ribo de palun, dins li tourbiero e li prado forço umido, relarg que s'apichounisson aro. Fai partido dóu group de ranouncle qu'an de fueio entiero emé dos meno diferènto : aquéli de la rouseto an un pecou e li de la cambo n'an quàsi ges. La varieta de Prouvènço ié dison flammula.

Usanço :
Coume tóuti li ranouncle, es uno planto empouisounanto. Se la tastas vous brulo coume lou fiò la bouco (d'aqui soun noum). Se dis qu'èi forço marrido pèr li fedo que s'ataquarié au fege (counfusioun emé la douvo dóu fege ?).

Port : Erbo
Taio : 20 à 70 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Ranunculus
Famiho : Ranunculaceae


Ordre : Ranunculales

Coulour de la flour : Jauno
Petalo : 5
Ø (o loungour) enflourejado : 8 à 15 mm
Flourido : Printèms - Estiéu

Sòu : Si
Autour basso e auto : 0 à 2200 m
Aparado : Noun
Mai à setèmbre

Liò : Prado umido - Tourbiero - Palun - Mueio
Estànci : Coulinen à Mountagnard
Couroulougi : Bourealo
Ref. sc. : Ranunculus flammula

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.
fotò Rose Plano Auto Basso Safrouso Preaupenco Marino Aup
RR
RR
ges
ges
C
ges
ges
RR

Isolepis setacea & Ranunculus flammula

RR
R
RR
ges
C
ges
ges
ges

Coumpara Jounquino emé uno autro planto

fotò

Coumpara Douvo emé uno autro planto

fotò